මා ඇඟිලි තුඩු අතර
සිරවගත් පැන්සලයි
නිදිබරව පියවෙනා
නෙත ඉදිරිපස පොතයි
නිවුටන් ඩෝල්ටන්
පොර බදින මගෙ සිතයි
මඳක් ඈතින් ඇසෙන
මියුරු සත් සර නද යි
මා පසෙක හුනියම
කෙටි තැපැල් පෝලිමයි
මෑණියන් හදා දුන්
උණු කෝපි ජෝගුවයි
මාස දෙකකින් ලබන
උසස් පෙළ අත ලඟයි
මේ සෑම දේ කැටුව
මා ගමන කොයි බටයි?
2009 වසරේ ජුනි මස එක්තරා රාත්රියක කාන්සිය මැකෙනු වස් මාතින් ලියවුනු පැදි පෙළකි.
0 කවි හිතට දිරි දුන් අදහස්:
Post a Comment